Lorem Ipsum

ဗုဒ္ဓမြတ်စွာ

ဗုဒ္ဓမြတ်စွာ

Lorem

အလည်လာသူများ

   

အလည်လာသူတို့ စကား

ဘုရား၊တရား၊သံဃာကို ကြည်ညိုရခြင်း အကြောင်းများ

6/3/10

ဘုရား၊ တရား၊ သံဃာကို မြန်မာလူမျိုး ဗုဒ္ဓဘာသာဝင်တွေ ဘာကြောင့်ကြည်ညို ကိုးကွယ်တာလဲဆိုတာ ဆန်းစစ်ကြည့်ရအောင်။

ပထမဆုံးအနေနဲ့ ကြောက်လို့မဟုတ်ဘူးဆိုတာပဲ။ ကျွန်တော်တို့ ကြောက်လို့ မြတ်စွာဘုရားကို ကိုးကွယ်နေတာ မဟုတ်ပါဘူး။ မြတ်စွာဘုရားကလည်း ငါ့မကိုးကွယ်ရင် ဘာလုပ်မယ် ညာလုပ်မယ်လည်း မရှိပါဘူး။ ဒါပေမယ့် ကျွန်တော်တို့တွေ ရိုသေညွှတ်တွားစွာ ကိုးကွယ်ကြတယ်။ ဒါကို ဒီလို ဥပမာလေးနဲ့ တွေးကြည့်ရအောင်။ ကျွန်တော်တို့ အခုသုံးနေတဲ့ လျှပ်စစ်မီးလုံး၊ မီးချောင်းတွေကို စတင်တီထွင်ခဲ့တဲ့ အက်ဒီဆင်ကို သိမှာပေါ့။ သူသိပ်တော်ပါတယ်။ သူ့ရဲ့ ကြိုးစားမှုကြောင့်လည်း ဒီနေ့ခောတ်ကမ္ဘာကြီးဟာ အလင်းရောင်အောက်မှာ နေထိုင်နိုင်တာပေါ့။ သူ့ကျေးဇူးကို ဘယ်သူမှ မမေ့ပါဘူး။ မမေ့တဲ့အပြင်ကို သိပ်ကို လေးစားကြတယ်။ သူဟာ လူသာသေသွားတယ် နာမည်ကတော့ ဘယ်တော့မှ ပျောက်ဆုံးသွားမှာ မဟုတ်ပါဘူး။ ဒီလိုပါပဲ ကျွန်တော်တို့ မြတ်စွာဘုရားဟာ သိပ်ကို ဥာဏ်ရည်ထက်မြက်လွန်းတယ်။ အတုမရှိ ဗုဒ္ဓမြတ်စွာဆိုတာနဲ့အညီ သုံးလောကမှာ သူမသိတာ မရှိပါဘူး။ အရာရာတိုင်းကို ထိုးထွင်းသိမြင်နိုင်တော်မူတဲ့ ဥာဏ်ဟာ တကယ့်ကို အံမခန်းပါပဲ။ ဟိုးအရင် နှစ်ပေါင်း ၂၅၀၀ ကျော်က မြတ်စွာဘုရားဟောခဲ့တာတွေကို ကျွန်တော်တို့လူသားတွေက သိပ္ပံဆိုတဲ့ပညာရပ်နဲ့ ရှာဖွေနေတာ တစ်ချက်ပြီး တစ်ချက် လာလာကိုက်နေတာကို တွေ့ကတည်းက မြတ်စွာဘုရားလက်ထက်ကတည်းက ဟောကြားခဲ့ပြီးသားတွေဆိုတာ သိနိုင်ပါတယ်။ ဒီလို ဂုဏ်တော်ကိုးပါးနဲ့ ပြည့်စုံတော်မူတဲ့ မြတ်စွာဘုရားဟာ သတ္တ၀ါတွေကို သံသရာဝဋ်ဆင်းရဲကနေ ကယ်တင်လွတ်မြောက်စေခဲ့ပါတယ်။ ကျွတ်လွတ်သွားတဲ့ သတ္တ၀ါတွေ မရေမတွက်နိုင်အောင်များပြားသလို ကျွန်တော်တို့လို အမိုက်သားလေးတွေကလည်း အမြောက်အမြား ကျန်ရှိနေပါသေးတယ်။ ဘယ်လိုပဲဖြစ်ဖြစ် အခုအချိန်မှာ မြတ်စွာဘုရားဆုံးမခဲ့တဲ့ ဟောကြားခဲ့တဲ့ တရားတွေကို နားယူရင်းနဲ့ သံသရာဝဋ်ဆင်းရဲကနေ လွတ်မြောက်နိုင်ပါသေးတယ်။ ဒီလို ကျေးဇူးကြီးမားပြီး၊ မဟာဂရုဏာကြီးမားလွန်းတဲ့ မြတ်စွာဘုရားကို ကျွန်တော်တို့တွေ လေးစားလွန်းအားကြီးတယ်။ ကြည်လည်း ကြည်ညိုလွန်းအားကြီးတယ်။ ဒါဟာ နေ့စဉ် ကျွန်တော်တို့ ဒူးတုပ်ရှိခိုးနေတဲ့ အကြောင်းရင်းဖြစ်ပြီးတော့ မြတ်စွာဘုရားရဲ့ အဆုံးအမအောက်မှာ နေလိုတဲ့၊ ဘုရား၊တရား၊ သံဃာကို ယုံကြည်တဲ့ သရဏဂုံတည်အောင် ကြိုးစားလိုခြင်းရဲ့ အကြောင်းအချက်တွေပဲဖြစ်ပါတယ်။

ဒုတိယကတော့ တရားတော်ပါ။ မြတ်စွာဘုရားဟာ ပရိနိဗ္ဗာန်စံဝင်သွားခဲ့တာကို အားလုံးအသိပါပဲ။ ဒါပေမယ့် အခုအချိန်အထိ ဘုရားသာသနာကို ကျွန်တော်တို့ ခံစားနေရဆဲပါပဲ။ မြတ်စွာဘုရား နှုတ်တော်က ဟောကြားခဲ့တဲ့ တရားတွေကို ကျွန်တော်တို့ နာယူမှတ်သား ကျင့်ကြံပွားများနိုင်ကြပါသေးတယ်။ ဒါဟာ မြတ်စွာဘုရားကိုယ်တော်တိုင်မရှိတော့ပေမယ့် တရားတော်တွေကျန်ရှိနေသေးလို့ ကျွတ်တန်းဝင်သွားတဲ့ သတ္တ၀ါတွေဟာလည်း အမြောက်အမြားပါပဲ။ ဒါဟာ တရားဆိုတဲ့ ဂုဏ်တော်ကို ကျွန်တော်တို့ ရိုသေ၀ပ်တွား ကန်တော့နေကြတဲ့ အကြောင်းချက်တစ်ချက်ပါပဲ။

မြတ်စွာဘုရားပရိနိဗ္ဗာန်စံပြီးတဲ့နောက်ပိုင်း အိန္ဒိယနိုင်ငံမှာ သာသနာတော်ဟာ ဘုန်းမီးနေလလို ထွန်းတောက်နေခဲ့ပါတယ်။ အဲဒီနောက်မှာတော့ အိန္ဒိယနဲ့ သီဟိုဠ်ကျွန်းမှာ စာသင်သံဃာတော်တွေ အပါအ၀င် သံဃာတော်အတော်များများဟာ သူခိုး၊ ဓါးပြရန်ကြောင့် ပျံလွန်တော်မူခဲ့ကြရတယ်။ ကျန်ရှိနေသေးတဲ့ သံဃာတော်တွေလည်း ထွက်ပြေးတိမ်းရှောင်ရင်းနဲ့ တရားတော်တွေကို နှုတ်မှာ တွင်တွင်ရွတ်ဆိုရင်း နေခဲ့ကြရတယ်။ ဘုဉ်းစရာဆွမ်း၊ ရေ မရှိတဲ့ကြားက အသက်မျော့မျော့ကြားက ဒီတရားတော်တွေကို မမေ့ရဘူး၊ မမေ့ရဘူးဆိုတဲ့ သံမဏိစိတ်ဓါတ်နဲ့ သယ်ဆောင်ပေးခဲ့ကြတယ်။ အဲဒီနောက်ပိုင်း ခိုးသူတွေရန်က ကင်းဝေးလို့ တိုင်းပြည်အေးချမ်းတဲ့အခါမှာ သံဃာတော်တွေဟာ မဖြစ်ချေဘူး။ ပိဋိကတ်သုံးပုံကို စာမှ မှတ်တမ်းတင်ချေမှ ဖြစ်မယ်လို့ တွေးမိလို့ စာမှာ မှတ်တမ်းတွေ ၀ိုင်းတင်ခဲ့ကြတယ်။ အခုအချိန်မှာ ကျွန်တော်တို့ မြန်မာနိုင်ငံအပါအ၀င် ကမ္ဘာတ၀န်းလုံးက ၀ိပဿနာတရားစခန်းတွေမှာ ယောဂီတွေ တရားကို သိနိုင်ခြင်း၊ တရားအားထုတ်နိုင်ခြင်းအပါအ၀င် ဗုဒ္ဓဘာသာအကြောင်းချင်းရာမျိုးစုံကို သိနိုင်ဖို့ တတ်နိုင်ရာ တာဝန်ကို ထိန်းသိမ်းဆောင်ရွက်နေကြတာဟာ ရဟန်းသံဃာတော်အပေါင်းသာဖြစ်ပါတယ်။ ဘယ်ဘုရား သာသနာမှာမဆို သံဃာတော်တွေဟာ ဘုရားသားတော်တွေပါ။ ဘုရားစကား နားထောင်တဲ့ ဘုရားသားတော်တွေကို ကျွန်တော်တို့ ရိုသေ၀ပ်တွားအလေးထား ရှိခိုးပူဇော်နေကြတာဟာ ဤသို့သော အကြောင်းအရာများကြောင့်သာဖြစ်ပါတယ်။


အကျဉ်းချုံးရရင်တော့ ဘုရား၊တရား၊သံဃာကို ကျွန်တော်တို့လေးစားကြည်ညိုလွန်းလို့ ရှိခိုးပြီးတဲ့အချိန်မှာ စိတ်ဟာအင်မတန် အေးချမ်းကြည်လင်နေတတ်ပါတယ်။ စိတ်သာရှင်စော ဘုရားဟော ဆိုတဲ့အတိုင်းပဲ စိတ်ဟာ အေးချမ်းနေရင် ဘာမဆိုလုပ်ဆောင်မှုတိုင်းဟာ အောင်မြင်တတ်ပါတယ်။ ဘယ်လို ဘေးရန်လာလာ စိတ်က အေးချမ်းနေတာကြောင့် အောင်မြင်စွာ ဖြေရှင်းနိုင်ပါတယ်။ ဒါကြောင့် ဘုရားရှိခိုးရင် ဘေးရန်ကင်းတယ်ဆိုတာ ဒီလိုကြောင့်လို့တော့ ကျွန်တော်ထင်ပါတယ်။ နောက်တစ်ချက်ကတော့ ကျွန်တော်တို့ ပတ်ဝန်းကျင်မှာ နတ်အပေါင်းတို့ စောင့်ရှောက်နေကြပါတယ်။ နတ်သက်ဟာ လူ့အသက်ထက်စာရင် အတော်ကို ရှည်လျားလွန်းတာကြောင့် မြတ်စွာဘုရားသာသနာကို မီခဲ့တဲ့ နတ်တွေဟာ ဒုနဲ့ဒေးပါ။ မြတ်စွာဘုရားကို ကြည်ညိုလွန်းတဲ့ နတ်တွေဟာလည်း ဒုနဲ့ဒေးပါ။ ဒီလိုနတ်အပေါင်းက ကျွန်တော်တို့ မြတ်စွာဘုရားသာသနာမှာ ယုံယုံကြည်ကြည်မွေ့လျော် ကိုးကွယ်နေတာကို မြင်တဲ့အခါမှာ အားရားကျေနပ်ပြီး ကျွန်တော်တို့အားလုံးအပေါ်မှာလည်း စောင့်ရှောက်ပေးတတ်ပါတယ်။ ဒါကြောင့် မကောင်းဆိုးဝါး အန္တရာယ်ဘေးက ကာကွယ်စောင့်ရှောက်ပေးတာကြောင့်လည်း ဖြစ်နိုင်တယ်လို့ ထင်ပါတယ်။

ဒါကတော့ ကျွန်တော်ဥာဏ်မီသလောက် ဆင်ခြင်စဉ်းစားမှုပါ။ သာသနာအကြောင်းကို တတ်သိနားလည်တဲ့ ပုဂ္ဂိုလ်တစ်ယောက်ယောက်က ဒီစားကို ဖတ်မိခဲ့လို့ မှားယွင်းတာရှိခဲ့ရင် ၀င်ရောက်ထောက်ပြပေးခဲ့ပါလို့ ကျွန်တော် မောင်အေးချမ်း ဒီနေရာကနေ ဖိတ်ခေါ်အပ်ပါတယ်ခင်ဗျာ။


အားလုံး အေးချမ်းသာယာရှိကြပါစေဗျာ။

Read more...

ယိုသူမရှက် မြင်သူရှက်

6/19/09

ကျွန်တော် ကိုးတန်းကျောင်းသားလောက်က ၀တ္ထုဖတ် အင်မတန်ဝါသနာပါသည်။ စာအုပ်ဆိုင်မှာ နေ့တိုင်း နှစ်အုပ်နီးပါးခန့်ငှားရမ်းဖတ်လေ့ရှိသည်။ တနေ့ ကျွန်တော် စာအုပ်ဆိုင်မှာ စာအုပ်ရွေးနေတုန်း ဘေးနားမှာ တစုံတယောက်လာရပ်သည်။ လှည့်ကြည့်လိုက်မိတော့ ဘုန်းကြီးတစ်ပါး..။ သူ့လက်ထဲက စာအုပ်က အချစ်ဝတ္ထု..။ ထပ်ရွေးနေသေးသည်။ စာအုပ်ဆိုင်က မိန်းမကိုကြည့်လိုက်တော့ စပ်ဖြီးဖြီးနှင့်..။ ထိုမိန်းမကို ခပ်တင်းတင်းကြည့်ပြီး ဆိုင်ထဲမှ ထွက်ခဲ့မိသည်။

…………………………..

လွန်ခဲ့သည့် လက မလေးရှားကို ရောက်ဖြစ်သည်။ တနေကုန်အလုပ်ထဲမှာ ပင်ပန်းတော့ ညဖက်ရောက်လျှင် ပင်လယ်စာသွားစားလေ့ရှိသည်။ ဘာဟင်းစားမလဲလို့ မီနူးကိုကြည့်တုန်း ယပ်တောင်လေးနှင့် ဘုန်းကြီးတစ်ပါး..။ အလှူခံခြင်းပင်။ ဘယ်ဘုန်းကြီးမှ ညနေဆွမ်းခံ မကြွ။ မူဆလင်တွေကြားမှာ ဒီလိုမျိုးကိုမြင်ရတော့ ခေါင်းကိုငုံ့ထားမိအောင် ရှက်သည်။ စားရသည့် အစားအစာ ဘာအရသာမှ မရှိတော့။

…………………………

ကျွန်တော့အမေက သူနာပြုဆိုတော့ မကြာခဏ သူထိုင်ရာ ဆေးခန်းကို လိုက်သွားမိသည်။ အမျိုးသမီးတစ်ယောက် လူနာလာပြသည်။ မူဆလင်မတစ်ယောက်။ မျက်လုံးလေးကိုပဲ ဖော်ထားပြီး တကိုယ်လုံးခြုံထားသည်။ စကားပြောရင်းဆိုရင်းနှင့်မှ သူမသည် မူဆလင်အစစ် မဟုတ်။ ဗုဒ္ဓဘာသာဝင်ဖြစ်ပြီး ယောင်္ကျားယူမှ လိုက်ပြောင်းသွားခြင်းဖြစ်သည်။ မူဆလင်မတွေထက် ပိုဆိုးအောင် ဘာသာရေးစိတ်ပြင်းထန်လှသည်။

………………………….

ယိုသူမရှက်ပေမယ့် မြင်သူရှက်သည်။ သာသနာပြုနေသည့် သံဃာတော်တွေ မရေမတွက် နိုင်အောင် များပြားသော်ငြားလည်း…. ယူစရာ ယောက်ျားများပြားသော်ငြားလည်း….။ ငခုံးမတစ်ကောင်ကြောင့် တလှေလုံးပုပ်သည်။ ဘာသာတရားမသိသူများကြောင့် သာသနာတော် ညစ်နွမ်းရသည်။

Read more...

သြကာသ ကန်တော့ချိုးမှ သိမှတ်ဖွယ်ရာရာ

“သြကာသ” ဟူသည်မှာ “ရှိခိုးပါရစေ၊ ခွင့်ပြုတော်မူပါ” ဟုဆိုသောစကား။ ပိုမိုလေးနက်စေရန် သုံးကြိမ်ရွတ်ဆိုသည်။

ကံသုံးပါးဟူသည်မှာ ကိုယ်ဖြင့် ပြုအပ်သော အမှု “ကာယကံ”၊ နှုတ်ဖြင့် ပြုအပ်သော အမှု “မနောကံ” နှင့် စိတ်ဖြင့်ပြုအပ်သော အမှု “၀စီကံ” ဟူသတည်း။

အပါယ်ဟူသည်မှာ “အပါယ” ဟူသော ပါဠိမှ ဆင်းသက်သည်။ အပါယ်လေးပါးဟူသည်ကား ငရဲ၊ တိရစ္ဆာန်၊ ပြိတ္တာ၊ အသူရကာယ် ဟူသတတ်။

ကပ်သုံးပါးဆိုသည်မှာ

(၁) သတ္တန္တရကပ် - တုတ်၊ ဓား၊ သေနတ်စသော လက်နက်အားဖြင့် ပျက်စီးရသော ခောတ်ကာလ။
(၂) ရောဂန္တရကပ် - ကျောက်ရောဂါ၊ ၀မ်းရောဂါစသော ရောဂါအားဖြင့် သေကြေပျက်စီးရသော ခောတ်။
(၃) ဒုဗ္ဘိက္ခန္တရကပ် - ငတ်မွတ်ခေါင်းပါး အစာရှား၍ သေကြေပျက်စီးရသော ခောတ်။

ရပ်ပြစ်ရှစ်ပါးဟူသည်ကား

၁-၂-၃။ ဘုရားပွင့်တော်မူနေစဉ် ငရဲ၊ တိရစ္ဆာန်၊ ပြိတ္တာ(အသူရကာယ်ကား ပြိတ္တာဘုံတွင် ထည့်ရေသည်) ဟူသော အပါယ်ဘုံ၌ ဖြစ်ရခြင်း။
၎။ ဘုရားရှင်ပွင့်တော်မူစဉ် အသက်ရှည်သော အသညသတ်ဘုံနှင့် အရူပဘုံ၌ ဖြစ်နေရခြင်း (အသညသတ်ဗြဟ္မာများသည် ရုပ်ခန္ဓာသာရှိ၍ စိတ်ဝိညာဉ်မရှိ၊ အရူပဗြဟ္မာများသည် စိတ်ဝိညာဉ်သာရှိ၍ ရုပ်မရှိ၊ ထို့ကြောင့် သူတို့သည် ဘုရားကိုလည်း မဖူးနိုင် တရားကိုလည်း မနာနိုင်ကြပေ)
၅။ ပစ္စန္တရစ်ခေါ်သော ပြည်နယ်စွန်းများနှင့် လူရိုင်းများ၏ အရပ်ဒေသ၌ ဖြစ်နေရခြင်း။
၆။ ဘုရားရှင်ပွင့်တော်မူနေစဉ် မိစ္ဆာဒိဌိဖြစ်နေရခြင်း။
၇။ ဘုရားရှင်ပွင့်တော်မူနေစဉ် တရားကို သိနိုင်လောက်သည့် ဥာဏ်မရှိဘဲ ထူထူ အအ ဖြစ်နေရခြင်း။
၈။ မဇ္ဈိမဒေသ၀ယ် တတ်သိနားလည်သည့် ဥာဏ်ရှိသူဖြစ်သော်လည်း ဘုရားမပွင့်သောအခါ၌ လူဖြစ်ရခြင်း။

ရန်သူမျိုးငါးပါးဆိုသည်ကား ရေ၊ မီး၊ သူခိုး၊ အမွေခံသားးဆိုးသမီးဆိုးနှင့် မင်းဆိုးတို့တည်း။

ဝိပတ္တိတရားလေးပါးဆိုသည်ကား
(၁) ကာလ၀ိပတ္တိ - မင်းဆိုး မင်းယုတ် အုပ်ချုပ်သော ကာလ။
(၂) ဂတိဝိပတ္တိ - အပါယ်လေးပါး၌ လားရောက်ရခြင်း။
(၃) ဥပဓိဝိပတ္တိ - ရုပ်ဆင်းအင်္ဂါ ဟူသော ဥပဓိ ချို့တဲ့ခြင်း။
(၄) ပယောဂ၀ိပတ္တိ- (ပြုလုပ်မှု၊ ပြောဆိုမှု၊ ကြံစည်မှုကို ပယောဂ ဟုခေါ်သည်) ယင်းပယောဂ၏ ချို့တဲ့ခြင်း။

ဗျသနတရားငါးပါးဆိုသည်ကား

(၁) ဥာတိဗျသန - ဆွေစုမျိုးစု ပျက်စီးခြင်း။
(၂) ဘောဂဗျသန - စည်းစိမ်ဥစ္စာ ပျက်စီးခြင်း။
(၃) ရောဂဗျသန - အနာရောဂါဟူသော ပျက်စီးခြင်း။
(၄) သီလဗျသန - ကိုယ်ကျင့်သီလ ပျက်စီးခြင်း။
(၅) ဒိဌိဗျသန - အယူပျက်စီးခြင်း


မဂ်တရား
(၁) သောတာပတ္တိမဂ်
(၂) သကဒါဂါမိမဂ်
(၃) အနာဂါမိမဂ်
(၄) အရဟတ္တမဂ်

ဖိုလ်တရား
(၁) သောတာပတ္တိဖိုလ်
(၂) သကဒါဂါဖိုလ်
(၃) အနာဂါမိဖိုလ်
(၄) အရဟတ္တဖိုလ်

နိဗ္ဗာန်ဟူသည်မှာ ရုပ်၊ နာမ်တို့၏ ဖြစ်မှုပျက်မှုအားလုံး ချုပ်ပျက်ဆိတ်သုဉ်း ကင်းငြိမ်းခြင်း ပင်ဖြစ်သည်။

Read more...

  © Blogger templates Newspaper by Ourblogtemplates.com 2008

Back to TOP